هذي المقالة راح نشرح بشكل مبسط كيف تقدر تسوي إعلان بالسناب شات وراح تعرف أيضا بعض الطرق والنصائح اللي تحسّن من أداء إعلانك بإذن الله – تابع معي:

اول شئ – وش هي اعلانات سناب شات ؟

هي اعلانات تظهر لمسخدمين التطبيق ويظهرها سناب شات لهم بناءا على اهتماماتهم واعمارهم وجنسهم والكثير من الخوارزميات اللي ماراح ندخل في تفاصيلها بشكل كبير الأن لكن الأكيد انها منصة مهمة وفيها جمهور لا يستهان يستخدمها في الخليج والسعودية تحديدا.

كم سعر الاعلان في سناب شات ؟

تختلف  اسعار اعلانات السناب من حسب السوق او القطاع اللي تستهدفه لكن سناب شات يسمح لك تبدأ بـ 5$ دولار يوميا – يعني بالريال السعودي تقريبا 18 ريال (لو ضربنا عملة الدولار بـ 3.75 ريال اللي قيمة صرف العملة الى الريال السعودي).

فتح حساب سناب شات بزنس Snapchat Ads | Snapchat for Business :

ببساطة روح الموقع التالي التابع لحساب سنات شات بزنس Snapchat Ads | Snapchat for Business زي ماهو واضح بالصورة التالية:

الخطوة الثانية: إذا كنت تملك حساب سناب شات بإمكانك تدخل عليه عن طريق Log in بالأعلى (الزر الأبيض) أو اذا ماعندك حساب ببساطة تفتح حساب في سناب شات وهذا اللي راح نسويه الان بالخطوة التالية بعد مانضغط على Get Started فوق باليمين (الزر الأصفر) وراح تطلع الصفحة التالية – نعبي البيانات المطلوبة مثل الإسم والرقم السري والايميل وتاريخ الميلاد – سهلة مايحتاج شرح تفصيلي فيها وثم نضغط على “Sign Up & Accept”  وبكذا صار عندنا حساب مبروك!

الخطوة الأخيرة: الدخول على حسابك الإعلاني في منصة سناب شات وراح تطلع لك هذي الواجهة فيها خيارين “Instant Create” ويقصد فيه تسوي اعلان بخطوات سريعة – او الخيار الثاني الأكثر تفصيل “Advanced Create” وهذا اللي انصح فيه دائما لانك راح تتحكم في استهداف الجمهور ومكان الإعلان بشكل ادق بكثير – الآن الحساب الإعلاني صار جاهز تقريبا – مبروك مقدما- راح نشرح لاحقا كيف تقدر تسوي اول اعلان لك على منصة سناب شات وتطلقه:


الأن حابين نسوي شرح بسيط لقائمة الحساب الاعلاني لسناب شات – قبل ننشئ اي اعلان ومهم جدا إنك تتعرف على هالقائمة وتطلّع عليها بشكل مستمر ولو تقرأ عنها في الإنترنت يكون أفضل:

  • رقم 1 في الصورة – ادارة الإعلانات: وعن طريقها تقدر تضيف اعلان جديد او تشوف إعلانات ممولة شغالة وهي اللي توضح لك اداء اعلاناتك لليوم كامل او الأسبوع او حتى أخر 30 يوم وأيضا بإمكانك تختار من القائمة اليمين التاريخ اللي تبي تشوف فيه أداء الإعلانات.
  • رقم 2 في الصورة – ادارة بكسل سناب شات والأحداث Events والجماهير Audiences : من أهم الخطوات قبل تطلق أي حملة إعلانية هي انك تركب الكود بكسل سناب شات على موقعك او متجرك الإلكتروني – وعن طريق هذي الخيارات تقدر تنشئ كود بكسل سناب شات لتتبع اداء إعلاناتك بالتفصيل وايضا تتبح الأحداث Events مثل الضغطات والمشاهدات والعمليات الشرائية واضافات السلة – راح يكون فيه شرح تفصيلي أكثر بمقالات او فيديوهات قادمة بإذن الله.   
  • رقم 3 في الصورة – ادارة التصاميم والمحتوى الإعلاني : وعن طريقها تقدر تعدل على إعلاناتك في محتواها او في تعديل التصميم او اي شئ أخر – ايضا بإمكانك هنا تنشئ تصاميم فيديو أو فلاتر خاصة فيك.
  • رقم 4 كما في الصورة – ادارة الجمهور والتحليل : هذي راح تستفيد منها لاحقا بعد ماتطلق إعلاناتك على سناب شات – راح تعرف تفاصيل اكثر عن الجمهور والمناطق الجغرافية وإهتماماتهم وكثير تفاصيل راح تفيدك لو حبيت تحسّن اداء اعلانك بشكل عام على منصة سناب شات – من رأيي من أهم الأشياء اللي لازم تتابعها بكل مستمر حتى تكون قريب من جمهورك وبالتالي إستهداف أفضل.
  • رقم 5 كما في الصورة – تفاصيل الحساب الإعلاني : هنا راح تضيف تفاصيل البزنس تبعك مثل إسمه ونشاطك ومكانه والدولة اللي شغالة في النشاط التجاري بالإضافة الى الرقم الضريبي لو كانت منشأتك ايرداتها اعلى من 375 ألف ريال (أتمنى ما أكون مخطئ لكن تأكّد من هالمعلومة من موقع وزارة الزكاة والضريبة – لأني غير متأكد للأمانة)

وش تحتاج قبل تسوي إعلان بالسناب شات؟

  • تصميم بمقاس 1920 * 1080 – بإمكان أي مصمم يسويها لك
  • فيديو عالي الجودة (سواء كان موشن جرافيك أو تصوير فيديو من الجوال)
  • رابط متجرك أو رابط صفحة الهبوط تبعك.

كيف اسوي إعلان بالسناب شات؟

بإفتراض إنه الان صار عندك صورة او فيديو جاهز – تعال معي الان نتعلم كيف تسوي أول اعلان بالسناب شات

  • الطريقة السهلة – بعد الدخول على حسابك الإعلاني – حتطلع مثل ماقلنا خيارين “Instant Create” أو “Advanced Create” وراح نشرح على الطريقة الاولى وهي إنشاء الإعلان بطريقة سريعة:

الخطوة الأولى: الضغط على الطريقة السريعة لإنشاء الإعلان “Instant Create”

الخطوة الثانية: بعد الدخول عليه راح تطلع لك 6 أنواع للإعلان تبعك حسب البزنس تبعك (اذا متجر الكتروني او محل تقليدي, او تطبيق تقني والخ) – راح نشرح كل واحدة منها أسفل الصورة التالية:

من اليسار الى اليمين:

  1. حملة اعلانية – زيارات الموقع (او المتجر الإلكتروني) Website Visits والمقصود فيه اذا كان عندك موقع الكتروني وحاب تسوي له إعلان يكون عن طريق هذا الخيار (وهذا اللي راح نشرح عليه في هالمقالة).
  • تسويق محل تقليدي على ارض الواقع Promote Local Place – لو كان عندك محل وحاب تضيفه على خريطة سناب وتسوي له إعلان راح يناسبك هذا الخيار.
  • إتصل أو ارسال الرسائل – Calls & Texts وهي صيغة اعلانية تتيح لك الإعلان عن خدماتك الإستشارية والتواصل يكون اما بالجوال او بالمراسلة (لا أنصح به شخصيا للمرة الأولى – لانه راح يكون مزعج الى حد ما)
  • إعلان تطبيق – تثبيت تطبيق App Installs – مناسب للتطبيق الإلكتروني الموجود على IOS او Android.
  • زيارات للتطبيق – App Visits ومناسب ايضا لبعض التطبيقات الشهيرة مثل تطبيقات المطاعم او التوصيل – بحيث جمهورهم واسع تقريبا يشمل شرائح مختلفة.

طيب الآن راح نختار اول خيار لانه غالبا حيناسب الأغلبية لأصحاب المتاجر الإلكترونية E-commerce Store – نختار Website Visits ونحط الرابط اللي نبغى الناس تدخل عليه بعد ماتشوف الإعلان وتسحب الشاشة Swipe Up – وهنا راح احط تنبيه هام جدا.

التنبيه الهام: هو لا تحط أبدا ابدا رابط الصفحة الرئيسية لموقعك وتتوقع الناس راح تعرف اي منتج تختار – العميل مشتت ويحتاج منك انك انت توجه – لذلك إحرص انك توديه على صفحة منتج واحد فقط وفيه عرض واحد ورسالة وحدة فقط هي إما يشتري او يسجّل او أي كان تبيه منه يسويه.

الأن بعد ماحطينا رابط منتجاتنا وخليناه يوديه على “صفحة الهبوط Landing Pages” –

لحظة! يمكن تسأل وش هي صفحة الهبوط؟ هي صفحة مخصصة لغرض معين إما تسجيل او شراء وغالبا مايكون قائمة Menu وإنما رسالة وحدة بس طالعة للعميل او مايدخل الصفحة هذي والرسالة هذي إما تكون لغرض تحفيزه على الشراء او تحفيزه على التسجيل في برنامج معين او اي شئ أخر – راح ننتكلم عنه في موضوع مفصل لانه يحتاج شرح طويل للصفحات الهبوط Landing Pages.

الآن فتح معانا الخيارات التالية مثل ماهو بالصورة واضح:

الأن بهذي الخطوة راح نرفع الصورة او الفيديو اللي سويناه مسبقا عن المنتج اللي بنسوي له حملة على سناب شات – إضغط على اول خيار لو حاب ترفعه من جهازك Upload Video or Photos

الخطوة التالية هي:

عندنا ثلاث خيارات بسيطة وهي:

  • كتابة إسم شركتك او موقعك Name of Business  : وهنا حطينا مثلا “عبدالله الرحيمي”.
  • كتابة عنوان الإعلان (حيطلع في الإعلان عاليمين لو دققت تحت إسم متجرك) وانا هنا حطيت على سبيل المثال “خصومات حصرية” – بإمكانك أختيار اي عنوان حاب يكون بس لازم يكون له علاقة في منتجك ومتجرك الإلكتروني.
  • زر نداء لفعل معين تبي العميل يسويه Call to Action مثل – إشتري الأن او سجّل الآن والى أخره – هنا تختار اللي يناسبك.

بعد ماعبينا البيانات نضغط على Next تحت أسفل المربع وراح ينقلنا للخطوة الأخيرة وهي الإستهداف لجمهورك المحتمل وهذي أهم خطوة عشان ترفع فرص نجاح إعلانك – ضروري إن يكون عندك معلومات مسبقة عن عملاؤك مثل الأعمار والإهتمامات والجنس – وفيها بعض التفاصيل البسيطة راح اجزئها الى أكثر من جزء

أول جزء من الإستهداف – إستهداف Demographic :

عندك 3 تفاصيل مهمة في الـ Demographics وهي:

  • الجنس Gender : هل جمهورك من الفئة الرجالية او النسائية ؟ او الإثنين مع بعض – هنا تختار اما All يعني الكل او Male يعني رجال أو Female يعني النساء.
  • العمر Ages : هنا تحدد أعمارهم تقريبا – يبدأ من 20 مثلا حتى 40 او من 18 حتى 34 وهكذا تحدد اللي تشوفه مناسب لك ولمتجرك الإلكتروني.
  • اللغة Languages : هنا تختار اللغة – غالبا عربي راح نختار بحكم اننا في منطقة عربية والأغلبية يتكلم عربي حيطلع لك في الخيار Arabic ويعني عربي.

نجي للجزئية الثانية وهي إستهداف المكان – Location :

مهم جدا إنك تختار الموقع الصحيح اللي متواجدين فيه عملاؤك – مو منطقي انك تستهدف السعودية كاملة وانت مثلا ماتخدم الا الرياض والقصيم في البداية. بإمكانك تختار عن طريق Target Location on Map وتحدد الموقع بالمؤشر – او تكتب في Search Locations مثلا Riyadh او Makkah وراح يطلع لك المنطقة (اذا حاب تستهدف مدينة او حي معين لازم تحدده عن طريق الخيار Target Location on Map وتحط النطاق مثلا 5 او 10 كيلو او حتى 100 كيلو حول المكان المستهدف)

الجزئية الأخيرة وهي الميزانية – إبدأ دائما بميزانية قليلة 5$ وثم إرفعها بشكل تدريجي كل 3 ايام (بمقدار 20 الى 30%) في حال كانت النتائج كويسة لك.

  • اول خيار هو  مدة ظهور الإعلان Start & Ends بالأيام
  • ثاني خيار الميزانية Budget وبإمكانك تحديدها من 5$ حتى 500$ دولار (بالريال السعودي تقريبا 20 ريال)
  • الهدف – في البداية غالبا Swipe Up لكن بمجرد ماتصير النتائج كويسة معك تقدر تخليها مثلا Add to Cart او Checkout وبخوارزميات سناب شات راح يجيب لك جمهور أقرب للأن يصبح عميل لك.

وبكذا إنتهينا من الحملة الإعلانية – نقدر نضغط على “Publish”  بالأسفل وراح يتفعل إعلانك خلال ساعات من قبل سناب شات – مبروك مقدما!.

  • الطريقة المتقدمة

قريبا راح نشرحها بشكل مفصل بـ فيديو بإذن الله لانها مايسعها المقالة لشرحها.  

تشوف كل هالخطوات صعبة عليك او حاب تركز على أشياء ثانية ؟ لا تشيل هم كلمنا وراح نضبطك بكل شئ